МВД-се спортивный йӱла

12 мартыште Медведево районысо Корта ялыште верланыше ече базыште Марий Элысе МВД-н, рӯдоласе УВД-н пашаеҥже да нунын ешыштлан каныме да таҥасыме пайрем эртен.

Шуматкечын ече базыште калык шуко лийын: милиционер-влак да нунын ешышт ече дене таҥасаш погыненыт, ече дене эстафетым эртеныт, канатым шупшыныт, еш эстафетыште да дротик-влакым кышкылтме шотышто ӯчашеныт.

Йӯла почеш куштылго ечыгорным, сай кумылым да спорт азартым мероприятийын участникше-влаклан республикысе элкӧргӧ паша министр Артем Хохорин тыланен: «Кӧ сайын пашам ышта, тудо сайын каненат мошта. Марий Элысе милиционер-влак шкаланышт да весе-влаклан пашам ыштен моштымыштым доказатленыт. Сандене таче чыла пайдалым да куанлым тыланем, а тӱҥжӧ — сайын каналташ».

Эн ончыч стартыш ӱдырамаш-вуйлатыше-влак лектыныт. Нуно 1000 метр дистанцийым эртышаш улыт улмаш. Вара нунын почеш ведомствын ветеранже-влак, шукышт нунын кокла гыч, ийготыштым ончыде, самырык коллегыштым эртен каеныт, 2000 метр кужытым куржыныт. Пӧръеҥ-вуйлатыше-влаклан 3000 метр сай тергымаш лийын.

Ты ече дене куржталмаште ӱдырамаш-вуйлатыше-влак кокла гыч эн писе ЦПП начальникын алмаштышыже Ирина Хорошавина лийын, туддеч ОИиОС начальник Елена Дербенева 30 секундлан вараш кодын, а финишыш ОДиР начальник Лариса Сидоркина кумшо толын.

А ӱдырамаш-ветеран-влак коклаште таҥасымаште кодшо ийысе семынак Анна Полякова ончылно лийын, пӧръеҥ-шамыч коклаште – Вячеслав Афанасьев.

Пӧръеҥ-вуйлатыше-влак коклаште 9 мин.32 сек. результат дене «Динамо» физкультурно-спортивный обществын Марий мер-кугыжаныш ушемжын председательже Александр Пьянов сеҥен. Кокымшо верыште — ОССиА начальник Сергей Шриро, тудын почешак ОМТХиО начальник Александр Макматов толын, кумшо лийын.

3000 метрым эртыше пӧръеҥ-вуйлатыше-влак коклаште 15мин. 13 сек. результат дене министрын алмаштышыже – тыл начальник Олег Новосёлов эн ончылно лийын. Министрын экономика лӯдыкшыдымылык шотышто алмаштышыже Олег Смоленцев 50 наре секундлан вараш кодын да кокымшо верым налын. Пьедесталын кумшо тошкалтышыштыже – 4-ше №-ан ОРЧ-ым вуйлатыше Александр Сорокин.

Еш эстафетысе участник-влак шке йырышт ятыр ончышым чумыреныт. Тудым «Перевези на другой берег» манын лӱмденыт. Тыгодым ача икшывыжым але пелашыжым ече дене шке капешыже наҥгайышаш улмаш. «Мама, папа, я – спортивная семья» эстафета ончыктен, тушто тыгаят уло, кудыштым олимпийский резервыш пуыман. Эн спортивный да келшен илыше еш семын Пакеевмытым (УНП), Яковлевмытым (УРЛС) да Гороховмытым (ОБ ППС) палемдыме.

Тыгодым площадкыште управлений ден МВД отделысе пашаеҥ-влакын команда дене таҥасымашышт талышнен. Эстафета деч нойышо спортсмен-влак канатым шупшыныт да дротикым кышкылтыныт. Командный зачётышто кодшо ий семынак специальный назначениян отряд икымше лийын. Кокымшо верыште – милицийын особый назначениян отрядше, кумшышто — рӯдоласе УВД.

Таҥасымаш деч вара сеҥыше-влак да призёр-шамыч шергакан пӧлекым да шере призым налыныт. А тӱҥжӧ — сай кумылым, оптимизм шӱлышым да вий-куатым.

mbd.gov12.ru

Добавить комментарий