V Российысе теле ялысе модмаш гыч мемнан спортсмен-влак пӧртылыныт

Омск областьысе Красноярка селаште V Российысе теле ялысе модмаш эртен. Тушто Российын 45 регионжо гыч тӱжем утла спортсмен таҥасен. Команде-влакым 6 тӱшкалан шелыныт ыле. Марий Эл дене пырля ик тӱшкаш логалыныт Хабаровский край, Якутий да Мордовий, Тульский, Томский, Смоленский да Рязанский область-влак.

Мемнан командыште лийыныт Медведево районысо Пижме, Нурма, Шойбулак, Юбилейный, Советский районысо Роҥго да Морко районысо Шеҥше гыч ял спортсмен-влак. Шке группыштышт Марий Элын командыже 1 верым налын. Доярке-влак коклаште Ольга Бородина да кирам нӧлтымаште Владимир Веденеев 3 верыш лектыныт.

Валерий Очеев

Добавить комментарий