Воштылмо кече вашеш

Воштылмо кече вашеш, 31 мартыште Морко тӱвыра полатыште касс мучко мыскара йоҥгаш тӱҥалеш. Тиде кечын самодеятельный артист-влак «Кай, Кай Йыванлан» комедийым модын ончыктат. Спектакль 18 шагатат 30 минутлан тӱҥалеш. Морко калык, март тылзын пытартыш кечыжым весела кумыл дене ужаташ тыланда пеш сай йӧн лектеш.

А 2 апрельыште Марий Тӱвыра рӱдер пелен пашам ыштыше калык театр «агытан мурымо годым» сем комедийыш ӱжеш. Тиде мыскара спектакльым Марий Элын сулло артистше Валерий Григорьев шынден. Комедийыште шуко муро йоҥгалтеш. «Агытан мурымо годым» спектакль 2 апрельыште 18 шагатлан тӱҥалеш.

Валерий Очеев

Добавить комментарий