«ВийАр» ушем семинарым эртара

Таче Йошкар-Олаште финн-угор калык-влакын Валентин Колумб лӱмеш историй да сылнымут тоштерыште журналистика аланыште тыршыше самырык еҥ-влакым туныктымо школ почылтеш. «ВийАр» ушем тӱҥалше журналист-лаклан паша опытым ешараш да шинчымашыштым келгемдаш полшаш семинарым эртараш тӱҥалеш.

Тудо икмыняр ужашым уша: возымо мастарлыкым шуарымаш, кусарен моштымаш, йоҥылышым тӧрлымаш да молат. Кугу тӱткылык практикылан ойыралтеш. Семинарыште республикын опытан журналистше-влак профессийын ойыртемже дене палдараш тӱҥалыт. Школын икымше погынымашыже таче 16 шагатлан почылтеш.

Валерий Очеев

Добавить комментарий