Йочасадыште пашам ыштыше-влак ӱчашеныт

Йошкар-Олаште йочасадыште пашам ыштыше няня-влак коклаште эн устажым кычалыныт. «Моя прекрасная няня» конкурсышто 20 еҥ таҥасен. Нуно шкешт дене палдареныт, санитарный правилым палымыштым ойленыт да мӧҥгысӧ пашам ончыктеныт. Жюри тыгай иктешлымашым ыштен: 1 верым 70 № «Ягодка» садик гыч Екатерина Клюкиналан пуэн, 2 верыште – Семёновка селаште «Рябинушка» садикыште пашам ыштыше Ольга Газизова, 80 № «Ӱжара» йочасад гыч Оксана Щеголева 3 верым налын. Моло нянечка-влакат тӱрлӧ номинаций дене палемдалтыныт.

Валерий Очеев

Добавить комментарий