Тунемше-влакын сӱретыштым аклыме конкурс лиеш

Шушаш рушарнян, 27 мартыште Йошкар-Оласе художественный училищыште йоча художественный школ ден искусство школын художественный пӧлкаштыже тунемше-влакын сӱретыштым аклыме регионысо конкурс лиеш.

Тыште 16 школ гыч 65 тунемше посна тема дене кылдалтше да карандаш дене сӱретлыме пашажым аклаш луктеш. Конкурсын жюришкыже Йошкар-Оласе художественный училищын преподавательже да сӱрет искусствышто специалист-влак пурат. Нунын коклаште улыт Наталья Товарова-Кошкина, Мария Клюкина да Андрей Алексеев. Конкурс заданийым ыштымыеке, участник-влак выставкым ончен кертыт. Кечывал деч вара конкурсын лауреатше-влак пале лийыт.

Валерий Очеев

Добавить комментарий