Лауреат-влак палыме лийыныт

Оршанкыште эртыше республикысе йоча фольклор фестивальыш 10 район гыч 16 коллектив да сценарийым возышо 27 автор толыныт ыле. Лауреат лӱмым сеҥен налыныт: «Эн сай сценарий» номинацийыште Юлия Соломина, тудо Медведево районысо Пӱкшерме ялыште «Тулойып» ансамбльым вуйлата.

Куженер район, Йывансола клубышто «Ал саска» йоча фольклор ансамбль дене пашам ыштыше Евгений Каменщиков посна диплом дене палемдалтын. Эн сай рефератым Шернур йоча усталык пӧрт гыч Ольга Глазырина возен. Эн сай программым Марий Турек районысо Карлыган гыч «Зардон» калык ансамбльын йоча коллективше ончыктен. «Фольклор мурым эн сай мурышо» номинацийыште Оршанке районысо Шулко села гыч «Во горнице» ансамбль сеҥен.

Валерий Очеев

Добавить комментарий