Автобус вашка шочмо ялыш

Мутшо ден семже Тимофей Петуховын

Билет оза ӱдыр ужатыш,
«Чеверын!» — пелештыш таҥем.
Вокзал шинчен кодо, лыпланыш,
Ярсен сомыл деч, куанен.

Припев:
Автобус вашка шочмо ялыш,
Изин-кугун чон вургыжеш.
А эртыше ныжылге жапым
Ӧндал шупшалалме шуэш.

Кузе чот ужнем шочмо верым!
Кайышаш кумыл утыр пыртка.
Йоча годсек лишыл вер-шӧрым
Куржталын ончал савырнаш.

Припев.

Вот почо шофёр вошт омсажым —
Мый шулдырым пуйто налам.
Ончен кодо ӱдыр окна гыч —
А мый уло кертмын куржам.

Припев:

Куржам мый, куржам шочмо ялыш,
Вот тудо рашемын коеш.
А эртыше, ныжылге жапым
Ончал савырналме шуэш.

Автобус вашка шочмо ялыш (mp3)

Добавить комментарий