Кунам тыйым ӱдыр йодеш

Мутшо В.Ивановын
Семже В.Осиповын

Йӱдвошт урмыжеш кӱртньӧ воштыр.
Уремыште шыде мардеж коштеш
Тавырлен, кыштыр-коштыр,
Да пыльдырме семын пӧрдеш.

Чонемлан молан таче йӧсӧ,
Ом пале шке черже могай,
Мардеж але шылтыкше весе?
Таҥем таче мӧҥгӧ ит кай.

Припев:
Муралте, таҥем, тый муралте,
Тек йӧсылык чон гыч йомеш,
Пералте гитарым, шокталте,
Кунам тыйым ӱдыр йодеш.

От мошто гын, пу тышке, ане,
Мый шке тыланет пералтем,
Нимат, ни мыняр ом чамане,
Вет тыйым моткоч йӧратем.

Ит вурсо, авай, ӱдыретым,
Ит кучо удам мыланна,
Шарналте, шарналте тый шкендым,
Вет ме иленна ик гана.

Припев.

Добавить комментарий