Пеш мардежан

Мутшо да семже калыкын

Пеш мардежан, пеш толкынан,
Кузе лектам Ош Вичым шол,
Кузе лектам Ош Вичым,
Ом мурал гын, ом шӱшкал гын,
Куз(е) эртарем ӱмырем.
Ом мурал гын, ом шӱшкал гын,
Кузе эртарем ӱмырем.

Йогалеш вӱд, йогалеш вӱд,
Йогалеш вӱд, ом нал вет шол,
Йогалеш вӱд, ом нал вет.
Йӱлалше изи шӱмемлан
Ик дарумат ом нал вет.
Йӱлалше изи шӱмемлан
Ик дарумат ом нал вет.

Йоген кайше вӱдшӧ дене
Йоген каялам ыле лай,
Йоген каялам ыле.
Йоген каен, миен шуын,
Ужын ойласем ыле.
Йоген каен, миен шуын,
Ужын ойласем ыле.

Йогалеш вӱд, йогалеш вӱд,
Йогалеш вӱд ӱмыреш шол,
Йогалеш вӱд ӱмыреш.
Ӱмыреш йогалше вӱд гай,
Шонен ил(ы)за ӱмыреш.
Ӱмыреш йогалше вӱд гай,
Шонен ил(ы)за ӱмыреш.

Добавить комментарий