Ял покшелне, клуб воктене

Мутшо Анатолий Бикын
Семже калыкын,
Дмитрий Кульшетов келыштарен

Ял покшелне, клуб воктене,
Пеш мотор ӱдыр ила.
Клуб воктечын пӧрт шеҥгеке
Кок йолгорно шып мия.

Кок йолгорнын кок мучаште
Кок мотор каче шога,
Ӱдыръеҥын пӧрт гыч лекмым
Шаҥгысек вургыж вуча.

Коктынат пеш чевер улыт,
Коктынат — шокшо шӱман.
Коктынат чот йӧратеныт
Чапым налше ӱдырнам.

Ял мучаште, ер воктене,
Сай, чечен садер воктен,
Ӱдыр фермыште — пашаште
Умыр касым эртарен.

Такыр корным такырталын,
Мом те коштыда, ала?
Ӱдыр йӧрата шке таҥжым,
Таҥже мӱндырнӧ ила.

Добавить комментарий