Марий калыкын сарзе историйже

Марий тӱвыра рӱдер, Мер Каҥаш да Россий художник ушемын Марий республикысе пӧлкаже «Марий калыкын сарзе историйже» лӱман сӱрет конкрусым увертареныт. Тудо марий профессиональный искусствым негызлыше сӱретче Александр Григорьевын шочмыжлан 120 ий теммылан пӧлеклалтеш.

Сӱрет конкурсыш чыла кумылан еҥ ушнен кертеш. Участник-влак ийгот дене 3 ужашлан шелалтыт: 14 ияш марте, 14 гыч 18 ияш марте, 18 ияш деч кугурак-влак. Сӱретшымат тӱрлӧ темылан пӧлеклаш лиеш. Тиде – марий калыкын акрет годсо деч 14 курым марте сарзе корныжо; 15 ден 20 курым коклаште, 20 курымышто (тышке пурат граждан сар, Кугу Отечественный сар да молат). Конкурс 26 апрельыште, Марий талешке кечын иктешлалтеш. Йодышда уло гын, Марий тӱвыра рӱдерыш 45-88-51 телефон дене йыҥгыртен, пален налаш лиеш.

Валерий Очеев

Добавить комментарий