Почылтшо музей

Йошкар-Олаште Евсеев лӱмеш национальный тоштер 2007 ий гычак «Почылтшо музей» проект почеш пашам тӱҥалын. Проектыште «Земляки» программе вийым налеш. Тудын почеш тӱрлӧ районлаште илыше-влак дене вашлиймаш тоштерыште эрта. Кодшо арняште тыгай вашлиймаш Куженер районлан пӧлеклалтын ыле. Тоштерыш толыныт ыле район администрацийыште пашам ыштыше-влак, Йошкар-Олаште илыше землякышт, мер пашаеҥ, учёный ден тӱвыра пашаеҥ-влак да молат.

Тиде программым наҥгаяш республикысе тӱвыра министерство полша, а культурный программым Куженер район администраций ямдылен.

Валерий Очеев

Добавить комментарий