Шошо форум – Шернурышто

Мер Каҥаш вуйвер вӱдшор тылзын 27-28  кечынже Шошо форумым  эртараш кутырен келшен. 27 апрельыште Йошкар-Олаште чумырга, Национально-культурный автономий нерген йодышым ончаш тӱҥалеш.  Марий-влак тидын нерген ятыр жап кутырат, но але марте ик автономият, закон дене келшышын, чумырген шуын огыл. Садлан НКА молан кӱлеш, тудо мер толкынлан могай йӧным почеш — рашемдыде ок лий. Тыгодым проект дене пашам ышташ кӱлмӧ нергенат мутым луктыт.

28 апрельыште Мер Каҥаш еҥ-влак Шернур районыш лектыт, Йыван Кырла лудмашке ушнат. Тыштак нуно черетан пленумым эртарат: Шернур, Торъял, Куженер, Параньга, Марий Турек районласе мер толкынын пашашт нерген колыштыт, поэт да артист Йыван Кырлан шочмо верыштыже лийыт.

З.Глушкова

Добавить комментарий