Ну, мо вара?

Мутшо ден семже Виктор Комаровын

Кодшо кечын олаш мийышым —
Ну, кино!
Ялысе окмакым палышт —
Вот шпана…
Вуй гычем упшем солалтышт,
Кид гычем шагатым нальыч,
— Ты, пахан, — шеҥгеч чумальыч, —
Пошел на!..

Припев:
А мый сыренам, изишак лӱдынам —
Ну, мо вара?
А мый сыренам, изиш кыралтынам —
Ну, мо вара?

Кодшо кечын аракам кондышт —
Ну, кино!
Молодежь адак йӱын шындыш —
Вот шпана…
Трактор паркеш кредал нальыч,
Клубышто окнам шалатышт,

Мыйын ӱмбак йолам сакалтышт —
Во те на…

Припев:
А мый сыренам, изиш ӧрмалгенам —
Ну, мо вара?
А мый сыренам, изиш вурсалтынам —
Ну, мо вара?

Кодшо арнян оксам пуышт —
Ну, кино! Лу тӱжем окса мо кызыт?! —
Вот шпана!
Кум тӱжем рожкилан пытыш,
Кок тӱжем аракалан кайыш,
Вич тӱжем арнялан ситыш —
Все, хана!..

Припев:
А мый сыренам, изишак подыл(ы)нам —
Ну, мо вара?
А мый сыренам, изишак руштынам —
Ну, мо вара?

Добавить комментарий