Натале

Мутшо Семен Вишневскийын
Семже Евгений Волковын

Йӧратем манметлан
Шуко жап эртале.
Ӱшанен мутетлан
Коштам мый, Натале.
Шем шинчат ӱмбакем
Кечыла ончале.
Тый алят вучыктен
Коштыктет, Натале.

Кум ий жап почешет
Чарныде куржтальым.
Целинаш тый декет
Мийышым мый, Натале.
Пӧлекем куанен
Нальыч — порсын шальым.
Вот тыгак нал чонем
Мый дечем, Натале.

Но чонемым налаш
Мутым от пу але.

Ондалалтын кошташ
Сае мо, Натале?
Ӱшаныде, шинчашкет
Мый тачат ончальым…
Шоҥго качым ыштет
Мыйым тый, Натале.

Добавить комментарий