Шкетан театр зданийлан — 50 ий

Тений 8 апрельыште М.Шкетан лÿмеш Марий кугыжаныш драма театрын зданийжылан 50 ий темеш.

У театрыште Национальный театр  И.Смирновын «Асан ден Кансыл»  пьесыж почеш шындыме спектакльым лач пел курым ончыч модын ончыктен. Тиде куанле кече нерген 1961 ий 11 апрельыште «Марий коммуна» газет тыге воза:

«Асан ден Касныл – у театр сценыште кодшо шуматкечын Марийский государственный драматический театрын у зданийже йошкаролинец-влаклан шке омсажым кумдан почо. Жап шым шагат. Кандашшÿдö еҥ пурыман залыште калык шыҥ-шыҥ. Театрын главный режиссёржо С.Иванов у зданийыште первый спектакльым ончаш толшо-влакым саламла, национальный форман да социалистический содержаниян культурын пеледалтмашыже верч кече еда тыршымыштлан Коммунистический партий ден Советский правительствылан тау мутым ойла.

Вара фанфар-влакын йÿкышт у постановкым ончаш ÿжеш. Марийский АССР-ын заслуженный артистше В.Зернов марий калыкын ожнысо илышыжым ончыктышо легенда нерген кÿчыкын ойла, марий тÿран бархатный занавес эркын почылтеш. Сценыште — И.Смирновын возымо «Асан ден Кансыл» драмыже. Чапле декораций, артист-влакын кумыл нöлтын модмышт зритель-влаклан келшен.

Маргостеатрын сценыштыже шушаш жапыште марий драматург Арсий Волковын «Илыш йолташ» да испанский драматург Лопе де Веган «Шорык памаш» пьесыже ончыкталтыт. Руш труппа «Четверо под одной крышей», «Волки и овцы» да моло постановка-влакым шында».

shketan.ru

Добавить комментарий