Правительстве пӧрт гыч увертарат

Правительстве пӧртыштӧ икмыняр паша вашлиймаш эртен. Ондак президент Леонид Маркелов проектный да строительный организацийын представительышт дене республикысе адресан инвестиционный программышке пуртымо объект-влакым чоҥымо нерген каҥашен. Тидын годым Эрик Сапаев лӱмеш опера да балет театрым чоҥымаш кузе кайымым ончен лекме.

Президент тыгак правам аралыше орган вуйлатыше-влак дене вашлиймаш годым республикыште преступность дене кучедалме йодышым тарватыме.

Терроризм да экстремист паша дене кучедалме шотышто законодательствым кузе шуктымо нерген республикысе прокурорын алмаштышыже Александр Кондратьев ойлен. Тылеч посна ФСБ-н Марий Элысе управленийжын начальникше Владимир Скибицкий да криминальный милиций начальникын пашажым шуктымшо Олег Смоленцев, тӱвыра министрын алмаштышыже Галина Ширяева, Юстиций министерствын управлений вуйлатышыже Юрий Соловей ойленыт.

Валерий Очеев

Добавить комментарий