Самырык да йоча-влак дене пашам ыштыше 38 ушемым регистрироватлыме

Ийготыш шудымо йоча-влакын пашашт шотышто да нунын праваштым аралыме комиссийыште самырык тукымым поро пашашке ушымо нерген ойлымо. Образований да наука министр Галина Швецован мутшо почеш, кызыт республикыште самырык да йоча-влак дене пашам ыштыше 38 ушемым регистрироватлыме.

Чыла самырык-влак кокла гыч 16% тӱрлӧ ушемыш коштеш. Ӱмаште студент-влакын отрядыштышт 1937 еҥ лийын. Самырык специалист-влаклан пашам ситарыме шотышто лӱмын программым ямдылыме. 997 ӱдыр-рвезым самырык талант-влак базышке пуртымо, республик гыч 50 еҥ Россий президентын премийже дене палемдалтын.

Тыгак волонтёр-влак толкын вияҥеш. Кызыт тиде пашашке 5568 ӱдыр-рвезе ушнен.

Валерий Очеев

Добавить комментарий