Могай уремым олмыктат?

Министерствын палемдымыж почеш, тений Сеҥымашын 70 ий темме лӱмеш бульварын (Воскресенский проспект гыч Петров урем марте) икымше черетшым чоҥен пытарышаш улыт. Тудын акше – 109 миллион теҥге. Тыгак Ленин проспектым (К.Маркс гыч Советский урем марте) уэмдат, Нолька, Крылов (Соловьев урем гыч Строитель уремысе оҥго марте), Школьный (Транспортный урем гыч Труд урем марте), К.Цеткин, Черняков, Какшан проезд уремлам олмыктат. 

Тылеч посна рӱдолаште 30 кудывечым олмыктат. Тидлан 43,5 миллион теҥгем ойырат.

Республикысе районлаштат корным олмыктымо паша шуйна. Чылаже яллашке 6 корным ышташ палемденыт. Ты пашалан 149,85 миллион теҥгем кучылтшаш улыт. Тушеч 94 миллион теҥгеже – федерал окса, 53 миллион теҥгеже – республикысе бюджет гыч, молыжо – муниципал бюджетла гыч.

План почеш Морко районышто Куэръялыш, Кучыкэҥер – Ердӱр – Ерӱмбал ялла деке, Курыкмарий районышто Копонал, Атьсир ялла деке, Марий Турек районышто Тат-Китне – Тат-Шолкер – Марий Шолкер ялла марте корным чоҥышаш улыт.

«Марий Эл» газет

Добавить комментарий