«Мӹньӹн учреждениемӹн историжӹ»

В. Путинӹн Указшы доно 2015 им сӓндӓлӹкӹштӹнӓ Сӹлнӹшая иэш лӹмдӹмӹ. Тидӹн велдӹк Салымсолаштышы Н.В. Игнатьев лӹмӓн краеведческий музейӹштӹ пиш кого пӓшӓ ӹштӓлтеш.
20 ноябрьӹн библиотекышты пӓшӓлӹшӹвлӓлӓн «Мӹньӹн учреждениемӹн историжӹ» лӹмӓн научно-исследовательский конференцим эртӓрӹшнӓ. Библиотекарьвлӓ пиш паян материалым йӓмдӹленӹт.
Историм шӓргӓлӓш гӹньӹ, библиотекывлӓ изба-читальнывлӓ гӹц тӹнгӓлӓлтӹнӹт. Крӓсин лампы тыл доно тӹштӓкен избачвлӓ лыдаш-сирӓш тымденӹт, журналвлӓм, книгӓвлӓм лыдыныт. Сӓндӓлӹкӹштӹ лиӓлтшӹ вашталтмашвлӓм шайыштыныт. Кого Отечественный вырсы годымат изба-читальнывлӓ ӹшке пӓшӓштӹм цӓрӹделӹт. Библиотекарь – избачвлӓ йыдымат дежурат ылын, нӹнӹ тенгеок телеграммывлӓм намал шалгенӹт военкомат гӹцӹн, фронтыштышы увервлӓм халыклан шайыштыныт.
Тидӹ гишӓн библиотекарьвлӓ Т.В., Алатайкина Г.В. (Усола с/б), Доброхотова Л.Л. (Картук с/б), Тихомирова В.Д. (Йоласал с/б), Соколова С.З. (Пистерлӓ с/б), Поствайкина А.А. и Пичушкина Е.В. (Пайскырык модельный с/б), Васютина А.М. (Микрӓк модельный с/б), Бычкова Н.И. (Пӹзӹкныр с/б), Пузырева Э.Л. (Йӹлйӓл с/б), Степанова О.С. (Эмӓн с/б), Токарева С.Г. (Шимйӓр с/б), Ямолкина Г.А. (Кулаковы модельный с/б), Денисова Ф.А. (Вершино-Сумский с/б) докладвлӓ дӓ презентациӓн слайдвлӓ гач раш пачын пуэнӹт.
Конференцин пӓшӓжӹ пиш паян дӓ тӱлетӓн ыльы. Остаткаэш цилӓ участниклӓн Тау шамаквлӓм дӓ изи подаркавлӓм кычыктеннӓ.

Елена Кашутина,
Н.В. Игнатьев лӹмӓн краеведческий музей.

Добавить комментарий