«Кидшер» ӹнде кырык марла шайыштеш!

Кидшер

Сӓмӹрӹквлӓн пӓлӹмы «Кидшер» интернет журналышты 1 июль гыц кырыкмарла вкладка пачылтеш.
— Кырык мары «Кидшер» – тидӹ у проект, кышкы сирен кердыт цилӓн, кӱ кырык марла ынгыла, — редактор Ольга Кузьмина шайыштеш. — Тиштӹ увервлӓм, интервьювлӓм культура дӓ искусствы ядмашвлӓм, образовани дӓ воспитани гишан сираш тӹнгӓлӹнӓ. Шанымашыштына ти проект лыдшывлӓн келшӓ лиеш.
Ӓшӹндӓрӹктенӓ, Интернет-журнал марла халыкын ӹлӹмӓшӹжӹ культурыжы, религи гишӓн шайыштеш. «Кидшерым» руш дӓ алыкмары йӹлмӹвӓ донат лыдаш лиеш. Цилӓ страницывлӓшты шукы йиш керӓл информацим улы. Тагачшы кечеш сайтышты куд эдем пӓшӓлӓ.
— Мары ылмына доно когешнена, культурынам, йӹлмӹнӓм цилӓнӓт анзылташ цаценӓ дӓ у страницым пачмыланна пиш сусу ылына. – сайтын тӹнг редакторжы Николай Любимов шайыштеш. – Журналышты сакой йиш акцивлӓ, конкурсвлӓ, мадмашвлӓ дӓ концертвлӓ эртӓрӓлтӹт. Тумайымаштына, ти площадкышты у шанымашвлӓ, проектвлӓ шачаш тынгӓлӹт дӓ вес сӓндӓлӹк гӹцӹнӓт халык кырык сирӹштӹш увервлӓм лыдын кердеш лиеш.
Шергӓкӓн тӓҥгвлӓ, тӓмдӓн сирмӓшвлӓдӓм info@kidsher.ru эл. адресыш вӹченӓ.

Добавить комментарий