Мер каҥаш: Марий йылмым кузе олаште тунемыт?

Шочмо йылмына ава гай манына. Тудын лывыргылыкше, чаткалыкше дене кугешнена. Тудо мыланна вий-куатым пуа. Татар калык татарла кутыра гын, марий еҥлан молан марла пелештен колташ огыл. Чаманен каласаш логалеш, республикыштына шуко марий школлаште марий йылмым кугыжаныш йылме семын гына тунемыт.
Теве Мер Каҥашын еҥже-влак Республикысе туныктыш да шанче министерствын пашаеҥже-влак дене пырля Марий кундемнан тӱрлӧ районысо школлаштыже марий йылмым тунеммашым ончен коштедат.
Икмыняр кече ончыч Йошкар-Оласе 14-ше №-ан гимназийыште лийыныт. Тиде вашлиймаш «Марий йылме ден ИКН уроклаште тачысе илышын туныктымо йӧнжым кучылт моштымаш» теме дене эртыш.
14-ше №-ан гимназийыште чылажге 1171 йоча тунемеш. Тудым ынде 18 ий Татьяна Валентиновна Глушкова вуйлата. Шинчымаш аланыште 42 ий тырша, 37-ше – 14-ше №-ан гимназийыште.
Гимназийыште марий йылмым 1-9-ше класыште чылан тунемыт. 10-11-ше класслаште социальный гуманитарный марий йылме уло. А ИКН урок чыла класслате эртаралтеш. Палемдем, гимназий пелен марий йылме да ИКН-ым туныктышо-влак метод отделений уло. Тудым Людмила Николаевна Никитина вуйлата.
Мер каҥаш школлашке марий йылмым тумеммашым тергаш Йошкар-Олаште эше кок-кум школыш лекшаш, а 20-шо май деч вара тӱшка иктешлымашым ышташ шонат.

Добавить комментарий