МарГУ-н проректоржо Китайышке миен

МарГУ-н шанче паша да инноваций шотышто проректоржо, физике да математике науко доктор Анатолий Леухин апрель тылзыште кок арня Китайыште лийын. Тиддеч ончыч февральыште Австра-лийысе Мельбурн университетыште студент-влаклан лекцийым лу-дын. Тушто Китай гыч ученый-влак лийыныт.Нунылан МарГУ проректорын келге содержаниян лекцийже моткоч келшен да КНР-ысе Чэнду оласе Кечывалвел-Касвел транспорт университе-тын ик институтшын директоржо, профессор Пингжи Фан Анато-лий Николаевичым китай ученый ден студент-влаклан лекцийым лудаш ӱжын.
Лекций жапыште А.Н. Леухин МарГУ-со ученый-влакын физике аланысе шымлыме пашашт дене парезентацийым эртарен. Китай шымлызе-влак нине шанче пашан тӱнямбал наукылан кугу надыржым палемденыт.
Тиде вашлиймашын лектышыже куандарыше: Марий кугыжаныш университет ден Чэнду оласе Кечывалвел-Касвел транспорт уни-верситет науко да образований аланыште меморандумым подпис-атлаш палемденыт. Тидлан лӱмын 18-21 июньышто Китай гыч де-легаций МарГУ-шко паша визит дене толеш. Тушто тыгак сетевой образований, вуз-влак кокласе алмаштен туныктымо программе да китай студент-влакым мемнан университетыште туныктымо шум-лык мутланаш тӱҥалыт.

Автор: Леонид Гимев

Добавить комментарий