«УМНИК» конкурсышто сеҥен

«Научный прогресслан – самырык-влакын творчествышт» X Тӱнямбал шанче конференций кышкарыште «УМНИК» программе почеш естественнонаучный да технический дисциплиныла дене молодежный инноваций проект-влакым ойырымо финал эртен. Тушко соискатель-влак 5 направлений дене шке материалышт ден докладыштым пуэныт: увер технологий; ончыклык медицине; кызытсе материал да тудым ыштыме технологий; у прибор да аппа-рат комплекс; биотехнологий.
Республикысе 15 сеҥыше коклашке МарГУ-со Аграрий да техно-логий институтын 3 курсыштыжо тунемше Надежда Кузьминан проектшат логалын. Тудо сурткайык шыл гыч кужун аралалтше кочкышым ыштен лукмо технологий дене кылдалтын. Шанче вуй-латышыже – шыл да шӧр продукт технологий кафедрын доцентше О.Ю. Петров.
Студенткын пашажын научный пайдалыкше тушто: ты технологий почеш у формо антиокислитель – дигидрокверцетин — кучылталтеш, тудо лечебно-профилактический кочкыш сатум лукташ йӧным ышта да продуктым аралыме срокым шуя.
Надеждам сеҥымаш дене Марий Элысе промышленность, транс-порт да корно озанлык министрын алмаштышыже А.И.Новоселов саламлен. «УМНИК» программыште ойыртемалтше проектым илышыш шыҥдараш идалыклан 200 т¢жем теҥге ойыралтеш, ту-дым кок ий жапыште шуктыман.

Автор: Леонид Гимев

Добавить комментарий