Лудшылан!

Оригинал взят у muksh в Лудшылан. Читателю. To readers

Жапда поро лийже! Икмыняр жап ончыч шӱвыр дене шокташ тунемаш амал лие. Тунемме шижмашым да умылымашым блогышто возен кодаш шонымаш лекте, тыге саде блогым виктарен шогаш тӱҥальым. А ынде тыште марий семӱзгар (кызытеш тӱҥ шотышто марий шӱвыр) дене кылдалтше материал шамычым чумыркалем. Тидлан шӱвыр дене шокташ моштышо шамычым шокталташ йодын, видеом возем. Архивлаште аудио-видео материалым кычалкалем. Теме дене кылдалтше книга-влакым электрон форматыш кусарем да эше моло сомылымат ыштен шогем. Коклан вес теме нергенат возалтен колтем. Блогым эн ондак марий фольклор да семӱзгар шамыч нерген информаций интернетыште верландарыме лийже манын возем. Вес амал: йырвелыштем марий йылме ситыдымашым алмашташ. Сандене комментарий-влакым марла возаш йодам.
Лудшо деке кугу гына йодмаш уло: Шӱвырзым але вес марий семӱзгар мастарым паледа? Але тендан оҥай материал уло манын шонеда? Кугыжаныш але иктаж еҥын личный архивыште, библиотекыште улшо материал нерген паледа (семӱзгар дене шоктымо видео-аудио кассет, диск але книга)? Тидын нерген мыланем шижтараш ӧтынен йодам. Тау!

Добавить комментарий