Акций: «Кидшер» этнокультурный сайт дене пырля»

Кидшер этнокультурный сайт15 декабрьыште 2013 ийыште интернетыште «Кидшер» этнокультурный сайтлан негызым пыштыме, лач ты кече деч вара сайтна вияҥаш да шкаланже поро йолташ-влакым кычалаш тӱҥалын. А пашаште ме ик ой дене илена: Те мемнан эн пагалыме, йӧратыме да шергакан лудшына улыда.
Сайтын коллективше шуко ма, шагал ма, ынде ик ий тендан дене пырля улеш. Тиде изирак пайрем лӱмеш ме тыланда ««Кидшер» этнокультурный сайт дене пырля» изирак акцийышке ушнаш ӱжына!
Акцийын тӱҥ шонымашыже «Кидшер» этнокультурный сайт нерген шке шонымашдам возен колташ. Лийже тиде тыглай комментарий але кугу критике.  А мом тышке возаш лиеш? Тыште те «Кидшер» сайтыште улшо материал, рубрике але тичмаш сайт нерген шке шонымашдам возеда. Мо тыланда келша але огеш келше? Могай темым нӧлталман але шке темлымашда уло?
Акций 15 ноябрь гыч тӱҥалын — 15  декабрьыште марте шуйна. Иктешлымашым 20 декабрьыте ыштена. Эн сай критикым пуышылан пӧлек вуча!
Криткие-влакым  viktaryshe@kidsher.ru электрон почто дене вучена. Эшежым паша-влакым мемнан деке тӱрло йӧн дене колтен кертыда. А акцийышке критикым колтымо годым, изирак йодмашым колташ кӱлеш:

  1. Фамилий, лӱм, ачалӱм
  2. Шочмо кече
  3. Илыме вер
  4. Паша вер (кушто да кӧлан)
  5. Телефон
  6. Электрон почто.

Шкелык данный шотышто чыла правадам тӱрыснек аралена!
Йодыш але иктаж могай умылыдымаш лектын гын, те мемнан дене вашкылым тыште ыштен кертыда. Ушныза участник, жюри але спонсор-влак радамышке.

«Кидшер» этнокультурный сайтын коллективше

Добавить комментарий