Чайым подылшыла, модыныт, муреныт

30 ноябрьыште пӱтынь элна мучко Аван кечыже палемдалтын. Тидын лӱмеш чыла гаяк тӱвыра учрежденийыште мероприятий-влак эртеныт.
Звенигово районышто ава-влакым «Мечта» районысо тӱвыра да каныме рӱдерыш чумыреныт. Але марте кажне ийын гаяк тиде кечын нунын лӱмеш концертым ончыктеныт, икшыве, ансамбль ден тӱрлӧ коллектив-влак авалан пӧлеклалтше, авам чапландарыше почеламутым лудыныт, мурым муреныт гын, ты гана тысе пашаеҥ-влак нуным саламлаш вес йӧным ойырен налыныт. Пайрем кечын тыште нунылан «За чашкой чая» музыкальный да модмо программым ямдыленыт. Тыге ава-влак шкештат ты кечын модыныт, муреныт, куштеныт.

Налме вер: gazetamariel.ru

Добавить комментарий