Туныктышо-влакын форумышт – театрыште!

18-29 августышто туныктышо-влакын районласе конференцийышт эртат. Марий образований институт, «ЦИТОКО» ГБУ, МарГУ, ПГТУ, МОСИ, «Знайка» ООО туныктымо системым вияҥдыме йодыш дене кылдалтше тематический образовательный семинар-влакым эртарат.

Семинарлаште школ-влакын иктешлыше кугыжаныш аттестацийым эртыме, ешартыш профессионал образованийыште автоматизированный системым кучылтмо, педагог-шамычын квалификацийыштым нӧлтымӧ, тачысе образованийын этнокультур корно дене кайыме, туныктышын пашаштыже инноваций йӧным кучылтмо, школ деч ончычсо образованийыште, ФГОС дене келшышын, туныктымо программым ыштыме йодышлам каҥашат.

Конференцийлаште Марий Элын образований да науко министрже Г.Швецова, республикысе образований да науко министрын алмаштышыже-влак Т.Гусакова ден А.Иванов докладым лудыт. Научно-практический конференцийлаште эртыше тунемме ийым иктешлат да вес тунемме ийлан ыштышаш пашам пеҥгыдемдат.

Мучашлан эн сай туныктышо-шамычым Марий Элысе Образований да науко министерствын Почетан грамотыж дене палемдат.

Туныктышо-влакын иктешлыше форумышт 29 августышо Э.Сапаев лӱмеш Марий кугыжаныш опер да балет тетрыште лиеш. Тушто Марий Элын вуйлатышыже Л.Маркелов, Кугыжаныш Погын председатель Ю.Минаков, Марий Элыште айдемын праваж шотышто уполномоченный И.Татаринова, Марий Эл Республикын вуйлатышыже пелен йочан праваж шотышто уполномоченный Е.Бурдо, республикысе профсоюз организаций-влак объединенийын председательже О.Цветкова лийыт.

Лидия ШАБДАРОВА, gazetamariel.ru

Добавить комментарий