Параньга районышто инвестиций кугыт 2 пачаш ешаралтын

Марий Элын Президентше Леонид Маркелов Параньга район администраций вуйлатыше Альфит Ибраев дене паша вашлиймашым эртарен. Тушто районын социал-экономик илышыжым ончен лекме. Район вуйлатыше телым олтымо пагыт кузе эртыме да шошо агалан ямдылалтме нерген ойлен.

Президент шке ойыштыжо районын экономикышкыже инвестицийым ыштыме нерген йодышым тарватен. Альфит Ибраевын мутшо почеш, 2009 ий дене таҥастарымаште ӱмаште инвестиций кугыт 2 пачаш ешаралтын. Утларакше Пӧртанур да Ермучаш яллаште чыве ончымо комплекс-влакым чоҥымылан кӧра.

Валерий Очеев

Добавить комментарий