Провой кундемым 90 ий дене Марий Оньыжа саламла!

DSC_5510-_1_0.jpg

Провой кундемыште илыше шергакан таҥ-влак!
Провой кундемым ыштымылан 90 ият темеш. Тиде лӱмгече дене шокшын-шокшын саламлем.
Ты жапыште районлан да тыште илыше калыклан кумда да тӱрлӧ шӧрынан илыш корным эрташ логалын. Таче ме кугешнен каласен кертына: тиде мланде шке пашаж дене Марий Элнам чапландараш да мыланна йолӱмбалне пеҥгыдын шогаш, эреак вияҥаш полша. А мыняр уста, историеш келге кышам кодышо, талантан еҥым куштен! Тек умбакыжат уста еҥ-влак шочыт да элнам эшеат вияным ыштат!
Провой кундемлан да тыште илыше поро таҥ-влаклан умбакыжат пелед да тӱзланен илаш тыланем. Волгыдо канде кава йымалне мотор деч мотор ял-влак кушкышт, уэмышт. Тушто эреак йоча йӱк юарлыже. Калыклан ласкан илаш, пашам ышташ, чон йодмо почеш сайын каналташ чыла йӧн лийже. Кажне еҥым пиал, тазалык да кугу йӧратымаш авалтен илыже.
Пайрем дене, сылне Провой кундем!

Пагален, Марий Оньыжа
Анатолий Иванов.

(«Арсланыште» савыктыме)

Добавить комментарий