Сорла тылзын 22-ше кечыжлан марий гороскоп!

article1573.jpgШорык. Шуко жапым тазалыклан ойырыза. Иктаж салоныш але медицине тӧнежыш миен толза. Кече тыгак кевытыш коштын толаш келшен толеш.
Презе. Шонымыда тунам шукталтеш, кунам ыштыме пашалан ӱшанеда. Шӱдыр-влак пеҥгыдылыкым ончыкташ темлат.
Йыгыр. Кече шуко шӧрынан. Тудын нерген сай шарнымаш кодшо манын, шуко кыртмен тыршаш перна. Чон спорт деке шупшеш гын, чаракым ида ыште.
Рак. Ондакысе пашам мучашлыде, у пашалан ида пиж. Иктаж-кӧ полышым йодеш гын, киддам лӱдде шуялтыза.
Лев. Тазалыкда шкеж нерген шижтара. Капым кандараш кӱлеш. Йолташда-влакын каҥашыштлан ида ӧрмалге, эҥертыза.
Ӱдыр. Еш дене кылдалтше проблеме, ыштыме сомыл шотышто критике чонеш логалеш. Тыланда удам шонышо еҥ-влак нерген шонымашым кораҥдаш гын, кече сайын эрта.
Виса. Кугурак тӱткышым лишыл еҥ-влаклан ойырыза. Пелендулшо-влакын пашаштым сайын эскерыза. Нуно тыланда сай примерым ончыктат.
Скорпион. Ты кечылан палемдыме чыла пашам кечывал марте мучашлаш тыршыман. Кечывал деч вара нойымо шижалтеш, утларак каныме шуэш.
Пикшызе. Могай пашам тыланда кучыктат, кажныжлан куаныза. Сеҥымаш тендан деч веле шога. Тора корно деч кораҥза.
Ирказа. Шонымым чонышто шылтыман, моло еҥ-влаклан ончыктыман огыл. Ӱчашымашке ида ушно.
Вӱдйоктарыше. Кажне ошкылым висен ыштыза, шкем чот эскерыза. Рекламе, тунеммаш але ужалымаш нелын шукталтеш.
Кол. Кечын лектышыже тендан деч веле шога. Кастене кумыл нӧлталше лийже манын, чытышым, вийым да пашалан кожмак койышым ончыктыман.

«Марий Эл Радио» ямдылен

Добавить комментарий