Чоҥымаште кучылталтше у сатум аклен

Марий Эл Республикым вуйлатыше Л.Маркелов бетоным, цемент ден известка вартышым, кӱртньӧ-бетон конструкцийым (плитам, меҥгым, перекрытийым), тротуар плиткам да тулеч моло чоҥышаш материалым ыштен лукшо «Строительные материалы» ООО-шко миен коштын.

Олаште да республик мучкат чоҥымо площадке-влакын чотышт кушмылан кӧра республик вуйлатыше Л.Маркелов чоҥымаште кучылталтше южо материалым ыштыме технологий дене палыме лийын. Предприятийын директоржо С.Лебедевын умылтарымыж почеш, ончыч лукмо сатун качествыже налшыланат да тудым ыштен лукшо-влакланат пешыжак келшен огылат, у цехым 2012 ийыште ышташ тӱҥалме. Чоҥымо индустрийын чолган вияҥмыже чоҥышаш материалым ямдылымашкат уым пурташ йодын, уке гын ятыржым пошкудо кундемлаште налыныт. Тидым шотыш кондаш манын, республик правительствын полшымыж дене предприятийым вуйлатыше-влак оборудованийым уэмденыт. Ынде производствышто у технологий кучылталтеш веле огыл, ойыртемалтше чоҥымо материалым кундемыштынак ыштен луктыт. Мутлан, у технологиян линийыште 2,4 гыч 10,8 метр марте кутышан бетон плитам ыштат. Зданий ден сооруженийлам, пачерым шонымо семын планироватлаш, пӧлемым кумдаракым ышташ йӧным пуымыжлан кӧра чоҥышо-влак тудым кумылын налыт.

Тыгак предприятий бетоным лугышо жаплан келшыше узелым да 10 тонным нӧлтал кертше кок балкан мостовой электрокраным налын. У оборудований ден энергийым анык-лыше технологийым кучылтмо «Строительные материалы» ООО-лан сайрак качестван сатум лукташ да производствым вияҥдаш полша. Мутлан, тылзыште предприятий 25-30 миллион теҥгеаш 2,5 тӱжем кубометр известка ден цемент вартышым, 1,5 тӱжем кубометр утла бетоным да 1200 гыч 1500 марте кӱртньӧ-бетон плитам ужала.

— Таче ужмо линийым шке жапыштыже мый ышташ темлышым. Республикысе кучем тидлан 6,5 миллион теҥге суб- сидийым ойырен. Угыч производствым вияҥдыме йодышым каҥашенна. Предприятий вуйлатыше-влак у цехым чоҥаш йодмаш дене лектыныт. Республикын правительствыже предприятийлан кредитым налме роскотшым пӧртылташ субсидийым ойыра, — манын Л.Маркелов.

Предприятийын директоржо у цехыште 100 метран 6 линийын ышташ тӱҥалмыж нерген ушештарен. Кызыт 68 метран 5 тыгай линий пашам ышта. Производствым кумдаҥдымылан кӧра куат ешаралтеш веле огыл, ешартыш кумло паша вер лектеш.

Е.Павлова предприятийыште шукерте огыл пашам ышташ тӱҥалын. Кум ий ончыч тудо «Юлтехын» строительный факультетшым тунем лектын. Ончыч проектым ыштылын, но йокрокын чучын, а тыште Елена производствым кид дене шижмыж нерген ойла. Технический контроль отделын инженерже кӧргашан плита-влакым терга. Республик вуйлатышылан тудо пашаже келшыме, пашадарым жапыштыже тӱлымӧ предприятийын вияҥмыж нерген ушештарен. Л.Маркелов тыгай ончыкылыкан еҥым кугурак пашашке шогалташ да тугакшат самырык кадрым жапыштыже кумылаҥдаш кӱлмӧ нерген вуйлатыше-влаклан ушештарен.

Предприятийыште тыршыше-влак дене чоҥымо индустрийын вияҥмыж нерген мутланышыжла, республик вуйлатыше Изи Какшан гоч кӱварым ыштен пытарышаш, оласе южо уремыште корным лопкаҥдышаш, илыме у микрорайоным да ятыр социальный объектым чоҥаш палемдыме нерген каласкален. Чоҥышо-влаклан паша сита, тугеже предприятийын сатужым налшат эреак лиеш.

Марий Эл Республик Вуйлатышын мер кыл ден увер виктемже
Кусарымаш — Е.Садовин (газет «Марий Эл»)

Добавить комментарий