Марий поэзий корнышто ошкылшо! | Вера Гордеева

Марий кундемна туныктышо, мурызо, тӱвыра аланыште тыршыше, журналист, оҥай вер-влак дене поян улеш. Марий кундемым чапландарымаште поэт да писатель-влакат шеҥгелан огыт код. Теве мутлан 1957-1987-ше ийласе марий литературышто Валентин Колумб, Вениамин Иванов, Геннадий Матюковский, Миклай Рыбаков, Валентин Косоротов, Зинаида Каткова, Константин Коршунов, Юрий Артамонов, Альбертина Иванова, Геннадий Алексеев, Вячеслав Абукаев-Эмгак, Валентина Изилянова да тулеч моло-влакат тыршеныт. А таче поэзий шӱлышан еҥ-влак улыт мо? Улыт. Поро жапда лийже «Марий поэзий корнышто ошкылшо!» сылнымут цикылнам умбакыже шуэна. Таче ме Вера Гордееван «Шӱрдылын мутет дене шеҥгач…» почеламутыштым лудын лектына.

Шӱрдылын мутет дене шеҥгач,
Тойышыч ӱшаным мыняр улым
Шем рокеш, я купыш, чодыраш…
Йомо йыҥгыр, ӱмылет йыр шулыш.
Шомакет почеш, шӱртнен кайде,
Ошкыльым, ӱшанлын, йыгыре мый.
Сем почешын муренам мутде…
Кушшо шулдырлан чон шыгыремын.
Ондален чот йылгыжше шӱкшак,
Кукшо шудо чучын пуйто кӱпчык.
Кечын шочыт пудырго кашак…
Кушшо патыр лийыт шопо нӧнчык.

Добавить комментарий