Тамле пушан «Пеледыш тӱня»

Flowers Wallpapers Pack 2009 - Friends-Torrent.Com8-10 августышто Сеҥымашын XXX идалыкше лӱмеш полатыш пурымеке, йомак тӱняш логалмыла чучын. Тӱрлӧ тӱсан, тамле деч тамле пушым шарыше пеледыш, кушкыл-влак чоныш куан тулым чӱктеныт, ик жаплан олыкыш але пеледышан садыш, чодыраш пӧртылтеныт. Сӧрал кушкыл коклаште каналтен шинчаш теҥгыл, вӱд модмым ончаш фонтан да молат лийыныт.

«Пеледыш тӱня». Арамлан огыл выставкым тыге лӱмденыт.

Тӱвыра идалык да Йошкар-Олан 430 ияш лӱмгечыжлан пӧлеклалтше выставкыш пеледышым ончен куштышо посна еҥ-влак Йошкар-Ола гыч веле огыл, Советский, Медведево районла, Козьмодьемянск, Казань, Москва олала гычат ушненыт. Тыгак икмыняр предприятий, организаций, 18 школ да 17 йочасад шке пашаштым калык ончык луктыныт.

— Участник-влак пеледышым аршашыш чумыреныт, тӱрлӧ композицийым ыштеныт. Паша-влакым сылне марий лӱман Йошкар-Оланан 430 ияш лӱмгечыжлан пӧлеклалтшым ямдыленыт, — палемдыш Cеҥымашын XXX идалыкше лӱмеш культур полатын тӱвыра да тӱшка паша шотышто отделжым вуйлатыше Татьяна Бицуля. – Паша-влак ойыртемалтше, сылне улыт. Сеҥыше-влакым профессионльный учреждений да пеледышым ончен куштышо-влак коклаште посна ойыренна.

Икымше вер дене Юл кундем кугыжаныш технологий университетын ботанический сад-институтшо, Йошкар-Оласе 12-шо ден 19-ше номеран школ-влак, «Вишенка» ден «Незабудка» йочасад-влак палемдалтыныт. А посна еҥ кокла гыч Йошкар-Олаште илыше Надежда Черных икымше верым налын. Надежда Михайловна ынде икмыняр ий шке участкыштыже тӱрлӧ тӱсан, тӱрлӧ кугытан, тӱрлӧ сорт лилийым ончен кушта.

— Тыршымем арам огыл. Чыла пеледышым йӧратем, но эн чотшо – лилийым, — куанжым ок шылте Надежда Черных. – Выставке жапыште ончышо, налше-влак шукын лийыныт. Икмынярышт ты кушкылым куштымо шотышто ой-каҥашымат йодыныт. Кажнылан уло кумылын вашештенам.

Икманаш, кунам пеледыш пеледеш, йырваш улшо пӱртуснам тӱрлӧ кушкыл сӧрастара — чонлан куанле, шӱлаш куштылго. А тыгай шотан выставке икте-весе дене палыме лияш, тудын пашажым, посна кундемыште кушшо кушкылым ужаш йӧным ышта.

А.Байкова., gazetamariel.ru

Добавить комментарий