Толза мемна деке унала! Чодыра емыж да шере памаш вÿд дене шолтымо чайым йÿктена, шокшо ÿян туарам да мелнам пукшена!

Chashrfjal.jpgМарий Эл Кужэҥер район Шой-Шÿдымарий ял лапкатарак верыште верланен. Ял йыр памаш-влак йыргыктен йогат. Тиде кундем деч тораштак огыл памашлан, саска-емыжлан поян Чашкаял манме вер уло.

Чашкаял кундемыште юзо виян Рошко памаш йыргыкта. Чот ожно тыште калык Юмылан кумалын. Но таче тиде памаш нерген шагал еҥ пала. Тудын деке шурген, йÿкланен миет гын, памаш шорге йогаш тÿҥалеш, шып миет гын, вÿдат ласкан вашлиеш. Эше ойлат, пуйто нелын черланыше поп ты вÿдеш чывыл лекмеке паремын.

Кызыт Чашкаял кундем кажне кечын гаяк у сыным налеш, уэмеш, кумылым нöлта, шкеж деке ÿжеш. Кажне толшо уна шинчаончылныжо уэмше вер-шöрым ужын кертеш, чоҥен шындыме оралте, чатката пÿя, канаш ыштыме посна вер ик гана толшо еҥын уэш да уэш толаш кумылжым луктеш. Свай меҥге валне шогышо шокшо мончаште могыржым кандарен, юзо виян памаш вÿд дене чывылалтмеке, куатым поген, эрласе кечым вашлияш да у пашам ворандарен колташ ситыше вийым налеш.

Чынже денак, толза мемнан деке унала. Эн лишыл родо семын ÿстöлтерыш шынден, чодыра емыж да шере памаш вÿд дене шолтымо чайым йÿктена, шокшо ÿян туарам да мелнам пукшена. Толмо корно пуракдам шокшо мончаш мушкын колтеда, куэ-тумо выньык дене нойышо капдам кандареда.

«Арслан» этнокультурный интернет-журнал

Добавить комментарий