Марий поэзий корнышто ошкылшо! | Володя Матвеев

Марий кундемна туныктышо, мурызо, тӱвыра аланыште тыршыше, журналист, оҥай вер-влак дене поян улеш. Марий кундемым чапландарымаште поэт да писатель-влакат шеҥгелан огыт код. Теве мутлан 1957-1987-ше ийласе марий литературышто Валентин Колумб, Вениамин Иванов, Геннадий Матюковский, Миклай Рыбаков, Валентин Косоротов, Зинаида Каткова, Константин Коршунов, Юрий Артамонов, Альбертина Иванова, Геннадий Алексеев, Вячеслав Абукаев-Эмгак, Валентина Изилянова да тулеч моло-влакат тыршеныт. А таче поэзий шӱлышан еҥ-влак улыт мо? Улыт. Поро жапда лийже «Марий поэзий корнышто ошкылшо!» сылнымут цикылнам умбакыже шуэна. Таче ме Володя Матвеевын «Мардеж» почеламутыштым лудын лектына.

Лыжга мардеж товаҥше укшым
Тӧрлаш тырша, шыман пуал
Авам нӧлтале шовыч лукшым –
Каем умбак, суртем кодал.

Пуа мардеж. Уэш ниялтыш
Чылт авамла ласкан, лыжган.
Вара тупем гыч шып пералтыш:
«Корнетше лийже пиалан!»

Палем мый, корныштем авамжым,
Мардеж лач алмашта докан.
Ойырлымашын кочо тамжым
Мый таче шӱмыштем шижам.

Ойырлымаш… Молан гын тудо
Ишен пура шӱм-чонышкем?
Мардеж товаҥше укш ден модо,
А кызыт угыч воктенем

Добавить комментарий