Мо нерген «Кидшер» этнокультурный сайт?

«Кидшер»  сайтыште марий тӱня дене кылдалтше шуко уверым лудаш лиеш. Ты сайт шукерте огыл шочын гынат, калыкыште кумдан шарлен.
Сайтна марий калыкын илыш корныжо, тӱвыраже, йӱлаже нерген кумдан да келгын палдара. Сайтыште финн-угор калык-влак нергенат ятыр статья уло. Сайт тичмашнек марий интерфейс дене пашам ышта. Те кажне лаштыклаштыже шканда оҥай да кӱлешан уверым муын кертыда.
Тӱҥалтышыште «Кидшерыш» шуко шке возенна, а кызыт материалым марий журналист, мер пашаеҥ, тӱвыра аланыште тыршыше, туныктышо, тунемше-влак темлат. Молан «Кидшер»? Руш йылмыш кусараш гын, тиде шомак «пульсым» ончыкта. Сайтыштына марий калык дене кылдалтше чыла событий дене палдарена. Уверым писын пуаш тыршена. Марий йылме да интернет, нерген шонкалымаш статьям, марий калыкын тӱрлӧ пайремже, йӱлаже нерген, лӱмлӧ еҥ-влак дене интервьюм, видеом, мурым, почеламутым да тулеч молымат сайтыште муаш лиеш».
Тачысе кечылан тиде интернет-журналым вияҥдаш ныл еҥ тыршен шога. «Чыланат кыртмен пашам ыштена. Шукерте огыл сайтышке у сыным пуртенна. Марий улмына дене кугешнена, шочмо йылмынам моктена да аклена, молымат тидлан туныктена, — ойла сайтын тӱҥ редакторжо Николай Любимов. — Оҥай акций, конкурс, концерт программе-влакым эртарынена. Ушышто шуко шонымаш пӧрдеш. Тудым шыҥдараш жап да тӱрлӧ ушемын полшымыжо кӱлыт. Тыге марий койыш дене илаш туныктена. Пашана арам огеш ышталт, шонем».
Сайт шке пашажым 1-ше январь 2014 гыч вӱда.
Мемнан дене вашкылым тыште ыштен кертыда!

Ме тыланда тыгай услугым темлена:

  • Концерт, шочмо кече, марий кас-влакым эртарен шогымаш;
  • Марий йылме дене журналист услуго дене: интервьюм налаш, статьям возаш да тулеч молат;
  • WEB-сайтым администратироватлаш да уэмден шогаш;
  • Кеч-могай текстым, руш йылме гыч марийыш да марий йылме гыч рушыш кусараш;
  • Сайтышке тендан увертарымашдам (рекламыдам) вераҥдымаш;

Добавить комментарий