Партнёр комитетын заседанийже…

Марий Эл Республикысе тӱвыра, печать да калык-влакын паша шотышто министерсвын сайтше палдарымыже почеш, Марий Эл Республикыште Тÿвыра идалыкым эртарен колташ полшымо шотышто Партнёр комитетын Козьмодемьянскыште черетан заседанийже лийын.
Коллегиальный орган тÿвыра аланыште мер-кугыжаныш системым вияҥдаш да 2014 ийыште Марий Эл Республикыште Тÿвыра идалыкым эртарен колташ ешартыш йöным кычалаш полшаш манын ышталтын. Комитетын верлаш лектын коштмо заседанийже А.В.Григорьев лÿмеш художественно-исторический тоштерыште 31 июльышто эртен.
Партнер комитетын II кварталлан паша лектышыже да 2014 ийын II пелийыштыже ыштышаш план нерген Россий Федерацийысе Кугыжаныш Думын депутатше, Партнёр комитетын председательже Лариса Яковлева да тÿвыра, печать да калык-влакын пашашт шотышто министрын икымше алмаштышыже Владимир Актанаев ойленыт.
Выступлений-влакым колыштмеке да каҥашымеке, комитет 2014 ийын II пелийыштыже М.Шкетан лÿмеш национальный драме театрын «Дети и искусство: преодоление расстояний» проектшым умбакыже илышыш шыҥдараш да театрыште шкем кузе кучымо шотышто иллюстрациян йоча пособийым савыктен лукташ полшаш пеҥгыдемден. Комитет А.В.Григорьев лÿмеш художественно-исторический тоштерын 95 ияш лÿмгчыжлан пöлеклалтше мероприятийым эртараш, тыгак Йошкар-Олаште Курчак театрын у зданийжым почмашым организоватлаш полша.
Лектын коштмо заседаний годым Козьмодемьянскысе тÿвыра-историй тоштер комплексын тоштержыла мучко экскурсий лийын.

«Кугарня» газетын ответственный секретарьже Ирина Золотарева,
Уверлан материалым mincult12.ru сайт гыч налме

Добавить комментарий