«Родина» икшырымын вияҥеш

Марий Эл Республикым вуйлатыше Л.Маркелов «Родина» объединений ООО-н пашаж дене палыме лийын. Республикым вуйлатыше производственный цехлаште лийын, тушто пашам ыштыше-шамыч дене мутланен.

Ты предприятийыште электронике сатум ыштен луктыт. Тудым Россий ден СНГ-се моторым лукшо завод-влак, коммунальный предприятий-шамыч, корным ыштыше, чоҥышо, ялозанлык предприятий-влак да молат кумылын налыт.

Сатуштым налше-влак кажне ийын шукем толыт. Сандене объединенийым вуйлатыше-влак у инвестицийым ушаш да производствым кумдаҥдашак тыршат. Предприятийын инженерно-технический да научный потенциалжын негызшым «Юлтехын» выпускникше-влак ыштат. Кажне ийын тушко ты вузым тунем лекше ик-кок еҥым пашашке налыт.

— «Родина» объединений — тиде сайын вияҥше предприятий. Тыште ий еда производствын куатше кушкеш, шке научный разработкыштым илышыш шыҥдарат. Чумыр коллектив ик еҥ семын пашам ышта да автопром ден обороно промышленностьышто, моло отрасльыште тыршыше предприятий-влак коклаште ончыл верым налын шогымыж дене чаплана. Ме республикын экономикышкыже оксам пыштыше собственник-влаклан полшен шогена да ончыкыжымат тидым ышташ тӱҥалына, — манын предприятийын пашаж дене палыме лиймыж годым Л.Маркелов.

Республик вуйлатыше погынышо-влакын ятыр йодышыштлан шагат наре вашештен. Нуныжо производство дене кылдалтше гына огыл, тыгак моло нергенат лийыныт.

Марий Эл Республик Вуйлатышын мер кыл ден увер виктемже
Кусарымаш — Е.Садовин (газет «Марий Эл»)

Добавить комментарий