«Вияҥшаш, кӱрылтде, шокшым ситарышаш»

Йошкар-Оласе 1-ше ТЭЦ-ын пашаеҥже-влак дене вашлиймыж годым республикым вуйлатыше Л.Маркелов Киров ден Строитель уремлам ушышо корным ышташ палемдымым пеҥгыдемден.

– Изи Какшан гоч кӱварым ыштен, транспортым вик корно дене промзоныш колташ мыйын кумылем шуктымаш огыл, а оласе инфраструктур вияҥмылан кєра лекше кӱлешлык. Тиде проблемым решатлымын икымше йыжыҥже — Ленин проспектыште Рӱдӧ кӱварым лопкаҥдымаш гын, кокымшыжо саде Киров ден Строитель уремлам ушымаш лиеш. Кызыт тудын проектшым ыштат. Но чоҥаш тӱҥалме жап нерген ойлаш але ондак, — манын республикым вуйлатыше.

Йошкар-Оласе 1-ше ТЭЦ-ыште Л.Маркелов производственный цехлам ончен лектын, тусо вуйлатыше-влак дене предприятийын вияҥмыж дене кылдалтше йодышлам каҥашен.

Йошкар-Оласе ГЭС 1943 ий гыч пашам ышта. Тунам, Кугу Отечественный сар ийлаште, марий рӱдолаште пашам ыштыше оборонный предприятий-влаклан, калыклан электровийым ситараш кӱлын. Кызыт тудо олалан 2,1 миллиард теҥгеаш электрокуатым ситарен шога.

Директор И.Бондарчукын ойлымыж почеш, предприятий чолган вияҥеш. 2015 — 2017 ийлаште «Городской» ПС-ым уэмден ышташ палемдыме. Тидлан 384 миллион теҥге кӱлеш.

— 1-ше ТЭЦ – рӱдолан стратегический кӱлешлыкан предприятийже. Кызыт кажне пӧртлан шокшо ден шокшо вӱдым посна ситарымашке куснаш тӱҥалме гынат, ӱшанем, эше кужу жап тиде предприятий кӱлешлыкшым огеш йомдаре. Сандене тудо вияҥшаш да, кӱрылтде, ола калыклан шокшо вӱд ден шокшым ситарен шогышаш, — палемден Л.Маркелов.

Марий Эл Республик Вуйлатышын мер кыл ден увер виктемже
Кусарымаш — Е. Николаев (газет «Марий Эл»)

Добавить комментарий