«Тыгайым шÿдö ийлан ик гана чоҥат»

Тений 1 октябрьыште Республиканский у курчак театр омсажым почеш.

Тыгай иктешлымашым ыштен ончыгече стройплощадкыште производственный совещанийым эртарымыж деч вара Марий Эл Республикым вуйлатыше Л.Маркелов. Ончыч тудо зрительный залым, сценым, холл-шамычым да труппылан келыштарыме пöлем-влакым ончен лектын.

— Театр ямде гаяк. Но тыгай объект-влакым шÿдö ийлан ик гана веле чоҥат, сандене чыла пашамат моткочак сайын, качестве дене шуктыман, — манын Л.Маркелов.

Чынжымак, чоҥымо пашам мучашлыме годым шуко пашажым шуктымо годым технологийым тÿвыт чын шуктыман. Мутлан, сценым чиялтымеке, тушто кок арня нимом ышташ огеш лий.

Шуктымо пашан качествыже да зритель-влакын лÿдыкшыдымылыкышт производственный совещанийын тÿҥ темыже лийыныт. Подряд организацийым вуйлатыше-влак дене мутланымаш ончыктен: республикым вуйлатыше велым тÿткышым йодшо нимогай йодыш кызытеш уке. Чоҥышо-влакын шонымышт почеш, чыла пашам сентябрь мучаште мучашлыме лиеш.

Марий Эл Республик Вуйлатышын мер кыл ден увер виктемже
Кусарымаш — Е.Садовин (газет «Марий Эл»)

Добавить комментарий