Оксадам шылтыза

Илалшырак еҥ-влак оксам кучылт моштымышт шотышто тӯткыдымылыкым ончыктат. Тидым республикыште лийше кок ойгандарыше случаят пеҥгыдемда.

12 мартыште 60 ияш кова почтыш коммунальный услугылан оксам тӯлаш миен. Кидыштыже сумка лийын, туштыжо документ-влак да оксагалташте окса киеныт. Связь оператор деке мийымеке, кова сумка гыч квитанцийым, оксан ужашыжым луктын, но сумкажым петырен огыл. Тӯлен шогылтымыж годым вор сумкаж гыч оксагалтам шижде луктын, а тушто 30 тӯжем теҥге киен, да шылын. Илалше ӯдырамаш окса йоммо нерген сумкам петыраш тӱҥалмыж годым шекланен.Туткарыш логалше вигак милицийыш шижтарен.

Окса ситыдымашым Звенигово районысо Суслоҥгер посёлкышто илыше-влакат шижыныт. 11 мартыште ик пӧртыштӧ колышым ужатеныт. Ты ойго кечын осал паша лийын кертме нерген иктат шоналтен огыл. Но оза-влак шӱгарла гыч мӧҥгӧ толмекышт, суртышто окса да сотовый телефон укем пален налыныт, чумыржо 18 тӱжем теҥгеш шуэш.

Кажне факт почеш РФ УК-н 158-ше статья почеш («Кража») уголовный делам тарватыме. Следствий кая.

Марий Элысе Элкӧргӧ паша министерстве калыклан шижтара:

— пачерыште кугу сумма оксам ида арале;

— кидыштыдат оксагалтадам кучен ида кошт;

— пачерыш пурымо омсам пенгыдемдыза, сай кӧгӧнлан, охранный сигнализацийлан оксам ида чамане;

— оксам лукмо годым эскерыше айдеме уло-укем ончалза, такшым пеленда кугу кугыт оксам ида коштыкто;

— шинчалан коймо верлаште, кумдан палыме лукыштат — шкафыште, тумбычкышто — ида арале;

— тендан дене туткар лийын гын, вашкерак милицийыш шижтарыза. Милицийын номерже-влак: 02, 020 (моло абонентлан).

mvd.gov12.ru

Добавить комментарий