Родо-влак икте-весышт дене кӱзӧ да чӧгыт дене шогат

Пайрем каныш кече-влак республикыште икмыняр илышылан эмлымверысе койко дене мучашлалтыныт. Амалже тидлан — шот деч посна аракам йӱмаш.

5 мартыште Йошкар-Олаште илыше 26 ияш рвезе кӱзым руалтен кучен. Тудо аваже да тудын дене пырля илыше пӧръеҥ дене пырля илен, нунын чӱчкыдын йӱмыштлан сырен. Ты ганат нуным йӱшым ужын да кӱзым руалтен кучен, эн ончыч аважым сусыртен, вара — весыжым. Пиалешыже, сусыргышо аваже пачер гыч лектын куржын. Тудо пошкудо-влак деке куржын пурен да милицийыш увертарен. Сусыргышо ӱдырамашым эмлымверыш пыштеныт, а весыже кугун сусырген огыл. Ты факт почеш РФ УК-н 111-ше статьяж почеш — «Умышленное причинение тяжкого вреда здоровью» — уголовный делам тарватыме.

7 мартыште Морко посёлкышто Кудрявцев уремысе ик пӧртыштӧ тума тарванен. Пайремлыме деч вара пӧръеҥ пырля илыме ӱдырамашыже деке пижедылаш тӱҥалын. Но тиде тудлан келшен огыл. Чактараш манын, ӱдырамаш кидыш кӱзым налын да оҥжым шуралтен. Сусыргышо оҥан пӧръеҥым районысо эмлымверыш наҥгаеныт.

Ты кечынак республикысе рӯдолаште илыше вес ешыштат тума ылыжын. 34 ияш ӱдырамаш мӧҥгыжӧ толын да 8 мартлан шкешотан пӧлекым ужын — марийже ден еҥгаватыжым. Сырен кудалтен да чӧгытым налын, марийжым вуйжо да оҥжо гыч перен. Тудыжо пуреҥгаен да вуйушыжым йомдарен. Вес кечын гына ушым налын да «вашке полышым» ӱжын. Кызыт кок дела почешат материал-влак тергалтыт.

mvd.gov12.ru

Добавить комментарий