Финн-угор тӱня кузе ила?

«Быги – культурная столица финно-угорского мира» проект почеш, 18-19 июльышто Удмуртийысе Шарканский район Быги ялыште финн-угор кухньо фестиваль эртаралтын. Тушко кок кечылан тӱжем наре еҥ погынен. Эстоний, Финляндий, Франций гыч уна-влак толыныт. Фестиваль годым финн-угор калыкын кочыкыштым ыштен, тамлен ончаш темлыме. Кулинарный таҥасымаш эртен, тыгак ялыште илыше-влак эн кугу быг-ня-ньым (каравайым) кӱэштыныт.

Удмуртийыште кухньо фестиваль эртаралтын гын, Марий Элысе «Морко кундем» мурышо да куштышо ансамбль 1-10 августышто Венгрийыште эртаралтше «Финноугория» II тӱнямбал фестивальлан ямдылалтеш. Элын индеш олаштыже марий тӱвыра дене «Морко кундем» ансамбль палдараш тӱҥалеш. Кызыт «Морко кундем» ансамбльын участникше-влак фестивальлан кыртмен ямдылалтыт, кажне кечын репетиций эртат. А теве Пензыште А. Куприн лӱмеш тоштер мордва просветительын пашажым ончыктымо, тыгак тудын нерген ятыр брошюрым, статьям, книгам, чумырымо. Ончер 25 сентябрь марте шуйна.

Увер-влакым «Кугарня» газет негызеш ямдылыме

Добавить комментарий