Килемар районысо ОВД-н кум пашаеҥже ДТП-ште колен

25 февральыште 8 шагатат 20 минутлан Йошкар-Ола — Козьмодемьянск — Чебоксары кугорнын 42-шо меҥгыштыже Килемар районысо ОВД-н ВАЗ-2115 служебной автомашинаже (тыште вич пашаеҥ лийын) Угарман кундемыште илыше 35 ияш пӧръеҥын виктарыме ГАЗ-33022 автомашинаж дене тӱкнен.

ДТП верыште коленыт:

— Килемар районысо ОВД-н отдел вуйлатышын полышкалышыже — дежурный частьын оперативный дежурныйжо, милицийын майоржо Михаил Кузикин;

— Килемар районысо ОВД-н ОУУМ-жын милицийын уполномоченный старший участковыйжо, милицийын капитанже Николай Качмашев;

— Килемар районысо ОВД-н УР-жын старший оперуполномоченныйжо, милицийын старший лейтенантше Валерий Волков.

Медведево районысо рӱдӧ эмлымверын реанимацийышкыже пыштыме:

— Килемар районысо ОВД-н криминальный милицийжым вуйлатыше, милицийын майоржо Алексей Анцуповым;

— Килемар районысо ОВД-н ОУУМ-жын милицийын уполномоченный старший участковыйжо, милицийын майоржо Андрей Наймушиным.

ГАЗ-33022 автомобильын водительже да пассажирже сусырген огытыл.

Происшествий лийме верыш республикысе МВД-м вуйлатыше-влак, Медведево районысо ОВД-н следственно-оперативный группыжо лектын коштын. РФ-н Марий Эл Республикысе Следственный комитетше ты случайым шымла да милиционер-влакын колымо фактышт шотышто тергымашым эртара.

Марий Элысе элкӧргӧ паша шотышто министерстве милиций пашаеҥ-влакын колымышт шотышто родо-тукым ден лишыл еҥыштлан чаманымашым каласа.

mvd.gov12.ru

Добавить комментарий