Марий Эл Украина гыч толшо-влакым вашлиеш

Йошкар-Ола Украинын кечывалвел-эрвел ужашыж гыч толшо 27 еҥым вашлийын. Нунын коклаште — шым йоча. «Йошкар-Ола» ола округын администрацийже нуным вераҥлыме да кочкышым пуымо шотышто пашам ышта.

Укриана гыч толшо-шамыч дене «Йошкар-Ола» ола округ администрацийын гражданский обороно да чрезвычайный ситуаций управленийын начальникше А.Чесноков вашлийын. «Троллейбусный предприятий» МП нунылан проездной билетым, амалкалче-влак лу тӱжем теҥгеаш именной сертификатым кучыктеныт.

Йоча-шамычлан «Планета» торгайыме рӱдерыште, «Джуманджи» модмо рӱдерыште, рӱдолан культур да каныме рӱдӧ паркыштыже реабилитационный программе лийын. Икшыве-влак рӱдӧ парык аттракционлаштыже да йоча площадкылаштыже яра модын кертыныт. Йошкар-Олан историй музейыштыже экскурсийым эртареныт, амалкалче-шамыч кажне ешлан шере пӧлекым кучыктеныт.

«Йошкар-Ола» ола округ администрацийын гражданский обороно да чрезвычайный ситуаций управленийыште гуманитарный полышым погымаш умбакыжат кая.

Шукерте огыл Йошкар-Ола Украинын кечывалвел-эрвел ужашышкыже гуманитарный полыш дене эше ик машина миен шуын. Ты груз Луганск олан областьысе клинике эмлымверыш толын. Тушто амалкалче-влакын полшымыж ден ятыр эмым чумырымо.

«Марий Эл» газетын сайтше почеш

Добавить комментарий