«Прометей» тулым чӱкта

МарГУ-н «Прометей» студотрядше паша вахтыш кок тылзылан каен. Электроэнергетический факультетын 11 студентше «Мариэнерго» филиалын «Шернур электросеть-влак» производственный ушемын базыштыже у энергообъектым чоҥымаште тыршаш тӱналеш.

Ты объектым чоҥаш студент-шамыч стажировкым эртеныт, пашам ышташ разрешенийым налыныт. Нунылан чапле паша вургемым ойырымо, медосмотрым эртарыме.

«Прометейыште» кеҥеж пагытыште оксам ыштен налыт, Российын ик эн ончыл энергокомпанийлаштыже паша опытым погат.

«МАРИЙ ЭЛ» газетын газетын сайтше почеш

Добавить комментарий