Саламлена! Марий Оньжым федерал кӱкшытан Чап кагаз дене палемденыт!

3 июньышто Марий Элысе Кугыжаныш Погын вуйверын погынымашыже эртен. Тушто Кугыжаныш Погын председательын алмаштышыже, Марий Оньыжа Анатолий Ивановлан РФ Федеральный Погынын Федераций Советшын Чап кагазшым кучыктеныт. Тидын дене тудым шуко ий тыршен пашам ыштымыжлан, РФ парламентаризмым, Марий Элысе законодательствым вияҥдымашке кугу надырым пыштымыжлан, мер-политик пашам чолган шуктымыжлан да Республикысе Кугыжаныш Погынын 20 ияш лӱмгечыж вашеш тауштеныт.
Анатолий Ивановын паша корныжо Марий машиностроительный заводышто тӱҥалын. Тушто завод ушнымашын партий комитетшын секретарьжын алмаштышыжат лийын, Марий Элысе президент администрацийыште пӧлкам вуйлатышын алмаштышыжлан ыштен, Правительсве главан алмаштышыжын секретариатшым тӱвыра да сымыктыш шотышто вуйлатен. Вара Кугыжаныш Погыныш депутатлан сайленыт.

Марий Эл Республикысе тӱвыран сулло пашаеҥже. 2012 ий гыч Мер Каҥашым вуйлата.

Автор: Эльвира Куклина.

«Мер каҥаш»

Добавить комментарий