Ончыкылык журналистым кушташ полшат!

«Ямде лий» йоча-влаклан пӧлеклалтше газет ынде ятыр ий школышто тунемше йоча-влаклан «Марий Юнкор» слётым эртара. Тений слёт индешымше гана эрташ тӱҥалеш. Слёт-влак Советский, Шернур, Морко, Волжск районлаште, Йошкар-Олаште да Таир ер воктене эртеныт. Тений Регион-влак кокласе «Марий Юнкор» слёт 2 гыч 8 пеледыш (июнь) марте Йошкар-Оласе национальный президент интернат-школышто эртаралташ тӱҥалеш. Республикнан тӱрлӧ районла гыч коло утла юнкорым ӱжмӧ. Тидын годымак организатор-влак ӱжмашым Пошкырт, Татарстан, кундемла гыч кумылан ӱдыр-рвезе-влакым вучат. Юнкор-влакым марий журналист, поэт, писатель, тӱвыра пашаеҥ-влак дене оҥай вашлиймаш, мастер-класс, весела программе-влак вучат. Каласен кодыман, тиде слёт ончыкылык журналистым, писательым да поэт-влакым кушташ полша.

Налме вер: «Кидшер»

Добавить комментарий